Ngomhlaka 21 kiyo lenyanga bekugidingwa ilimi lebele ephasini zombelele. Lokhu kunjengombana ilimi lisisakheko sokuthintana kwabantu. Yeke nakunjalo, kunefuneko yokulihlonipha, uliphakamise begodu ulizwisise kuhle nawukhulumako bonyana indaba oyicocako izwakale, kuthi naloyo omcocelako akuzwe ukuthi kuhle kuhle uthini. 

Isiqubulo sanonyaka sithi ukufundisa ngamalimi woke – isika yokufunda nokufundisa iinzukulwana ngeenzukulwana. Ukungezelela kikho koke lokhu, sitjheja umsebenzi owenziwa yiBhodi eyengamele amalimi i-Pansalb, njengombana nonyaka nje kuthokoziswe abafundi abasebenze kuhle elimini lesiNdebele eenhlahlubweni zokuphela komnyaka ophelileko. Ukukhambiselela lendaba sikhuluma no-Emely Mahlangu  obuya kwa-PanSALB. Sis Emily siyakwamukela.....