Հայաստանի 7 մարզի 15 ավագ դպրոցում 2023-ի սեպտեմբերից փորձնական ծրագրով իրականացվել է «ԱԲ սերունդ» ծրագիրը, որի շրջանակներում 350 աշակերտ հնարավորություն է ստացել ծանոթանալ և կիրառական պատկերացումներ ձևավորել արհեստական բանականության վերաբերյալ:

Ծրագիրն իրականացրել է Հայաստանի գիտության և տեխնոլոգիաների հիմնադրամը (FAST) ՀՀ բարձր տեխնոլոգիական արդյունաբերության և ՀՀ կրթության, գիտության, մշակույթի և սպորտի նախարարությունների հետ համագործակցությամբ։