«․հայ»-ը` մայրենի լեզվով առաջին դոմենը, արդեն 5 տարի է ինչ գործարկվել է վիրտուալ տիրույթում։ Դրա գործարկման նախապատրաստական աշխատանքները սկսվել են դեռևս 2012 թվականին, բայց միայն 2016թ. մայիսին գրանցվել է առաջին «.հայ» դոմենային անունը։ 2021-ի մայիսի տվյալներով՝ գրանցված է շուրջ 980 հայատառ դոմենային անուն: «.հայ»-ի հիմնական առավելությունը լատինատառ դոմենների նկատմամբ այն է, որ հնարավորություն է տալիս հայերեն բառերը հայատառ ներկայացնել՝ առանց դրանք աղավաղելու, բացի այդ, եթե ունեք հայատառ կայք, որոնողական համակարգերում այն հայտնվում է առաջին էջում։ 

Հայկական դոմենի 5 ամյակի առթիվ տարբեր միջոցառումներ են կանցկացվեն։ Նախատեսվում է «Կլոր սեղան» քննարկում՝ ոլորտում ներգրավված կողմերի մասնակցությամբ, որի նպատակն է վեր հանել հայկական ինտերնետ տիրույթի խնդիրները, վերլուծել խոչընդոտները եւ ձեւավորել ճանապարհային քարտեզ տիրույթի առաջխաղացման համար։ Կանցկացվի լավագույն «․հայ» կայքերի մրցույթ և այլն։