چەند جارێکە بە شیوەی جیاواز هێرش دەکرێتە سەر فڕۆکەخانەی هەولێر کە بنکەی هێزەکانی ئەمریکی لێیە و، چاودێرانیش بۆ ململانێی نێوان ئێران و ئەمریکای دەگەڕێننەوە. فەریق جەبار یاوەر، ئەمینداری گشتیی هێزەکانی پێشمەرگەیش رایدەگەیەنێت، ئەگەر هەرێمی کوردستان بکەوێتە ناو ئەو ململانێیەی لەنێوان وڵاتانی زلهێزدا هەیە، لەبەر ئەوەی هەرێمێکی بچووکە دەفلیقێتەوە. دەبێت بیر لەوە بکەینەوە کە چۆن هەرێمەکەمان بپارێزین و نابێت ئێمە هەموو هێلکەکانمان بخەینە سەبەتەی ئەمریکا یان تورکیا یان ئێرانەوە.