Am Januar 1941 sinn d'Ängschten an d'Illusiounen vun den éischte Méint vun der Besatzungszäit lues a lues verblatzt. Dës Realitéit kann een, tëschent den Zeilen, am Rapport liesen, deen de Grouss-Rabbiner Robert Serebrenik fir d'Exilregierung geschriwwen huet. Deen Text, an deem hien op d'Resistenz vun der Bevëlkerung insistéiert an d'Situatioun vun de Judden relativéiert, ass vill méi zweedeiteg wéi een dat no enger éischter Lektür kéint mengen, fënnt de Vincent Artuso.