२०६८ सालको जनगणना अनुसार नेपालमा कुल २१ लाख ५४ हजार जेष्ठ नागरिकको संख्या छ । त्यसमध्ये हाल १ हजार ७ सय ५ जना जेष्ठ नागरिक आफ्नै परिवार र समाजबाट अपहेलित भएर वृद्धाश्रममा आश्रय लिएर बसिरहेका छन् । आफन्त तथा आफ्नै सन्तानको अपहेलनामा परेका वृद्धवृद्धा आश्रमको सहारा लिएर बाचिरहेका छन् । कतिपय आफैँ वृद्धाआश्रम पुगेकाहरु छन्् भने कतिपयलाई आफ्नै छोरा बुहारीले आश्रमको जिम्मा लगाएकाहरु हुन् । सरकारले जेष्ठ नागरिकका लागि सामाजिक सुरक्षा भत्ताको व्यवस्था गरे पनि वृद्धाआश्रम पुगेका वृद्धवृद्धाले भोग्नु परिरहेको समस्याबारे भने खासै चासो देखाएको पाइँदैन ।