Send us a text

二十幾年前SARS對香港衝擊同二十幾年後COVID對香港影響不遑多讓，第二集講到對付逆境需要有”堅毅性格”，入便有兩位嘉賓 Rockie 及 Irene，Rockie係酒店餐飲業高管，而Irene係資深保險從業員，當年佢哋遇到困難同而家差唔多，同樣對大環境唔樂觀，同事或團隊唔配合，正所謂各自各修行，余Sir提出7個方法比大家點樣培養及調整自己有”堅毅性格”，雖然大家都話性格係天生，但余Sir一直強調性格可以強化當中優點，我好喜歡呢一集入面Irene問余Sir究竟要同事調整好性格先好做呢件工？又或呢份工作可以調整好佢性格？你估下余Sir點答？我就賣個關子大家自己去聽余Sir點講？

係呢條片入邊我睇到兩位高管都擁有一種老闆心態，反觀佢哋旁邊同事或團隊就典型打工心態，有次我跟一位朋友講起呢兩種心態睇事情分別，點知比到佢感受係我睇唔起打工嘅人，我解釋只我講緊係心態、並非階級，我做老闆前都係打工仔，點會唔明打工心態？！擁有老闆心態就唔等同於佢就係老闆，一位員工同樣都可以有老闆心態，呢類員工特性就係當打工間公司就當自己公司咁看待，回顧我當年打工就係咁，我連通渠洗廁所都會，我都見過一啲老闆明明係老闆卻有一種打工心態，總之每個月公司有糧出，包括佢自己，咁就OK，點樣令公司發展更好？點樣培養人才？公司係咪有社會責任等等都冇興趣去諗，總之係個個月出糧，通常呢類老闆發現公司有問題就係員工問題，仲有一種更黑人憎老闆就係會搬籠門，一時用老闆態度同你講、一時就好有同理心用打工心態同你傾，真係攪到人都癲。

呢套解悟AQ奧秘已經係20幾年前 project，原來我一直對呢種探討人性話題非常感興趣，畢竟用緊綠悠卡嘅我，對人性更有另一翻體會。我哋嚟聽下呢一集”堅毅性格”，余Sir究竟提供邊7種方法比我哋培養”堅毅性格”。

Support the show

一位好朋友羅慧娟介紹下認識余Sir，娟妹返天家都十多年，大家係沙士時一齊制作節目，希望為當時香港打氣，大家都唔計較付出，只係擺個心出嚟做事，一段長達二十多年友誼就咁開始，因為係 youtube 經常聽余Sir講道，有時真係唔太方便，倒不如自資幫余Sir成立呢個podcast，亦得到余Sir同意授權，Good Vibes Podcast 就係咁成立，希望大家能透過余Sir另一種角度去演譯 神話語，即使碰到任何問題或逆境，都可以有個好心情去面對！