जलवायु परिवर्तनमा आएको तीव्रताका कारण पछिल्लो समय विश्वव्यापी रुपमा नै वातावरणीय समस्या झन्–झन् बढ्दै गएको छ । यो नियमित प्राकृतिक प्रक्रिया भएपनि औद्योगिकीकरण तथा यातायात क्षेत्रमा खनिज इन्धनको व्यापक प्रयोग एवम् वन विनाशको कारण हरितगृह ग्याँसको अत्याधिक उत्सर्जनबाट जलवायु परिवर्तनमा तीव्रता आएको हो । जलवायु परिवर्तनकै कारण नेपालमा पनि थुप्रै किसिमका वातावरणीय प्रभाव देखा पर्न थालेका छन् । तर, यो विषय बहसमा आएपनि कार्यान्वयनको पक्ष भने निक्कै कमजोर छ ।