Jaipur ke Mann Singh Chandi 13 baras ke the jab unhe cycling ka shauk laga. 14 saal ki umr me wo apne pehle nationals mein select hue. Vo apne group mein toh kaafi acche cyclist the, par nationals mein jeet haasil nahi hui. Mann ko haar kabhi bhi pasand nahi thi. Jo hua uske baad Mann kaafi nirash toh hue, par hataash nahi, aur raat-din ek kar diye. Us din ke baad Mann nationals se kabhi bhi khali hath nahi laute. To chaliye hamare saath is 5 baar ke national champion ke ab tak ke safar mein.