काव्यातले काही (KavyaTale) is a Marathi podcast about appreciating (old) Hindi songs and interpreting them in Marathi!

This episode features a popular song from the film "Kala Bazaar". Listen to the podcast to know which one it is!

Marathi Poem

झोप कशी येणार तुला, डोळ्यांत भरली रात्र आहे

नभी चंद्रमा हरवला, आकाशी तेज मात्र आहे

मन मोगरा तुझा कसा येऊ लागतो रंगात

अंगात आलेला वारा शिरतो तुझ्या अंगात

शहारे गोड लपवणारे तुझे मनोहर गात्र आहे

नभी चंद्रमा हरवला, आकाशी तेज मात्र आहे

खिजवू लागले आहेत आता खोडकर हे तारे

कुंचले माझे मनाचे चित्र केवळ तुझे चितारे

प्रत्यक्षाहून प्रतिमा उत्कट हेच आता सूत्र आहे

नभी चंद्रमा हरवला, आकाशी तेज मात्र आहे

रजनी चिंब स्वप्नील असावी मादक रमणी

रहावी ती सोबत आणि करावे ग्रहण पाणि

म्हणावयाचा केवळ आता एक मंगल मंत्र आहे

नभी चंद्रमा हरवला, आकाशी तेज मात्र आहे

जीव माझा जिच्यासाठी टाकला ओवाळून आहे

अबोलते ती आणि मजला साधी वळूनही न पाहे

सांगा तिला मीच केवळ तिच्यासाठी पात्र आहे

नभी चंद्रमा हरवला, आकाशी तेज मात्र आहे

जाईन मी जिथे कुठे ती दिसते सर्वत्र आहे

प्राणवायू माझा आहे अन भूमीचा ती नत्र आहे

आकाशगंगा हीन ठरे असली ती नक्षत्र आहे

सगळीकडे ती सापडण्याचे सुरु झाले सत्र आहे

Background music by

https://www.youtube.com/watch?v=ZYk6dvNtZM0