DJs: DJ蠔仔，DJ悟空，DJ西瓜，DJ黃蜂，DJ愛麗絲，DJ奧雲

唔知今年大家情人節點過呢，相信咁多位都係冇仔食，冇女溝。😭向大家保證，今年情人節冇伴侶嘅你先至係絕對嘅王道，因為幸福嘅你今年可以同我哋六位DJ一齊圍爐取暖，大談暗戀往事同溝仔溝女技巧🤧。節目亦會為大家送上溝女神曲，為大家嘅未來作準備。備注：呢個節目只會今年出現一次，因為相信大家聽完呢個節目之後，下年情人節肯定唔得閒❤️🤪

DJs: DJ西瓜，DJ河童，DJ開鎖佬，DJ奧雲，DJ尼奧, DJ阿潁

2023年有太多值得我們回味嘅熱門歌曲。今個星期日晚8點到9點，由DJ西瓜，DJ河童，DJ開鎖佬，DJ奧雲，DJ尼奧同DJ阿潁去同大家聽下2023 Spotify 最受歡迎歌曲。從跳躍嘅流行曲到纏綿嘅情歌，帶您穿越各種音樂風格，一齊欣賞引領潮流嘅音樂。

DJs: DJ甜咖喱，DJ西瓜，DJ黃蜂

2023年真係眨吓眼就過咗去，唔知大家今年又過成點呢？有冇達到年前設定嘅目標？定係Hea下Hea下又一年呢？😗今年發生咗好多世界大事，有科技嘅進步，有戰爭嘅摧殘，有經濟嘅衰退。香港更加出現歷史性新高嘅斬人事件。😢
今個星期日晚8點到9點，由DJ甜咖喱，DJ西瓜同DJ黃蜂去同大家回顧一下幾件2023年標誌性嘅事件，千祈唔好錯過😌🌎

DJs: DJ小白，DJ88 ，DJ浩天

人同機械🤖其中一樣最大嘅分別就緊係要瞓覺啦。究竟人點解要瞓覺呢？唔瞓覺咪可以煲廿四個鐘劇囉😌，又或者打廿四鐘機又得。得左！咁諗就大錯特錯啦，知唔知人唔瞓係會衰老加速🫥，高血壓、心血管疾病、癲癇發作等等，最嚴重可能會猝死添架！😨所以唔想死就記得聽今個星期嘅節目，聽下人要瞓幾多個鐘同埋點樣改善睡眠啦！
今個星期日8點至9點DJ小白，DJ88同DJ浩天會分享下瞓覺究竟係一門點樣嘅學問🌟

DJs: 有DJ 華Dee，DJ 牛奶樽, DJ 阿強

相信對留學生們來講，其中一件最有共鳴嘅事就係住屋問題🏘️每個離鄉別井嘅留學生在所難免都會經歷過一段喺寄宿家庭或者學校宿舍嘅生活。無論係邊一樣，對於要去一個未知嘅空間展開新生活，或多或少都會有啲壓力或者感到好迷惘😵‍💫
今個星期日晚8點至9點，有DJ 華Dee，DJ 牛奶樽同 DJ 阿強同大家分析一下分別喺寄宿家庭同學校宿舍嘅唔同經歷同埋趣事🤪🫵🏻

DJs: DJ豆腐花，DJ悟空

姜濤，一個街知巷聞嘅故事。一位年輕人突然被捧成為超級偶像嘅故事。為何姜B受盡姜糖萬般寵愛😍，同時亦受到千夫所指？🤔
今集有我哋DJ豆腐花，DJ悟空，同埋一位社會學專家🤓上嚟同我哋一齊激烈地討論討論呢位受盡爭議嘅藝人與樂壇嘅關係。如果想見到血流成河嘅觀眾千祈唔可以錯過！

DJs: DJ蠔仔，DJ叮噹， DJ Koso

比你擁有無窮無盡嘅生命，你又想唔想要呢？
想要嘅話，你又會點運用自己無限嘅壽命呢？
自古以來，長生不老都係有權有勢嘅人至高無上嘅追求。
中國歷史有秦始王試煉長生不老藥，意外發明火藥。西方歷史有才德兼備之人先有資格進入嘅英靈殿。
咁究竟21世紀，長生不老係科學上又可唔可以解釋到呢？可以實現嘅話，又會衍生出啲咩問題呢？
今個星期日晚8點至9點，有DJ蠔仔，DJ叮噹同DJ Koso，同大家解析吓依個困擾咗人類上千年嘅難題！

DJs: DJ奶茶，DJ維他奶，DJ鏟泥莎

🏫中學生涯係成長嘅必經階段，亦都係唔少人嘅美好回憶，承載住嘅唔單止係同學之間嘅歡聲笑語，仲有十分催眠嘅課堂💤，味道唔太好嘅飯堂食物🤧，淨係得個「曬」字嘅早會🌞，主宰前途嘅公開試💀…真係諗起都打冷震😭
今個星期日8點至9點DJ奶茶，DJ維他奶同DJ鏟泥莎會以佢地分別喺香港同加拿大嘅經歷陪大家一齊回憶返呢段咁特別嘅時光🌟

DJs：DJ奧雲，DJ牙駿，DJ愛麗絲

驚！📣U of T嚇尿了，McMaster震驚了，Waterloo嚇傻了，Laurier坐不住了！困擾70億人的問題 —— 何謂賭博，今日被我哋三位DJ破解了！😱

今集有我哋三位DJ，DJ 奧雲，DJ 牙駿，DJ 愛麗絲為大家揭開賭博嘅秘密，討論個人經驗，以及分享德州撲克嘅玩法，有興趣嘅朋友仔切勿錯過啦🫶🏻🃏♠️♣️♥️♦️

DJs：DJ剷泥莎，DJ牙駿，DJ啊潁

👻又係一年一度嘅萬聖節show喇👻 香港一直流傳住好多殖民地時期已經有嘅鬼故💀而且適逢萬聖節，街上人人奇裝異服，你又點分得出佢地係人係鬼？👻
今個週末DJ剷泥莎，DJ牙駿同DJ啊潁將會分享佢哋聽過嘅恐怖故事，甚至仲有某位DJ嘅靈異經歷？
☠️各位聽眾朋友記住留意今個禮拜日夜晚8點-9點，揭秘香港不可思議嘅校園鬧鬼故事😱厲鬼亡靈徘徊校園，膽小慎入！👻