DJs: DJ蠔仔，DJ叮噹， DJ Koso

比你擁有無窮無盡嘅生命，你又想唔想要呢？
想要嘅話，你又會點運用自己無限嘅壽命呢？
自古以來，長生不老都係有權有勢嘅人至高無上嘅追求。
中國歷史有秦始王試煉長生不老藥，意外發明火藥。西方歷史有才德兼備之人先有資格進入嘅英靈殿。
咁究竟21世紀，長生不老係科學上又可唔可以解釋到呢？可以實現嘅話，又會衍生出啲咩問題呢？
今個星期日晚8點至9點，有DJ蠔仔，DJ叮噹同DJ Koso，同大家解析吓依個困擾咗人類上千年嘅難題！

DJs: DJ奶茶，DJ維他奶，DJ鏟泥莎

🏫中學生涯係成長嘅必經階段，亦都係唔少人嘅美好回憶，承載住嘅唔單止係同學之間嘅歡聲笑語，仲有十分催眠嘅課堂💤，味道唔太好嘅飯堂食物🤧，淨係得個「曬」字嘅早會🌞，主宰前途嘅公開試💀…真係諗起都打冷震😭
今個星期日8點至9點DJ奶茶，DJ維他奶同DJ鏟泥莎會以佢地分別喺香港同加拿大嘅經歷陪大家一齊回憶返呢段咁特別嘅時光🌟

DJs：DJ奧雲，DJ牙駿，DJ愛麗絲

驚！📣U of T嚇尿了，McMaster震驚了，Waterloo嚇傻了，Laurier坐不住了！困擾70億人的問題 —— 何謂賭博，今日被我哋三位DJ破解了！😱

今集有我哋三位DJ，DJ 奧雲，DJ 牙駿，DJ 愛麗絲為大家揭開賭博嘅秘密，討論個人經驗，以及分享德州撲克嘅玩法，有興趣嘅朋友仔切勿錯過啦🫶🏻🃏♠️♣️♥️♦️

DJs：DJ剷泥莎，DJ牙駿，DJ啊潁

👻又係一年一度嘅萬聖節show喇👻 香港一直流傳住好多殖民地時期已經有嘅鬼故💀而且適逢萬聖節，街上人人奇裝異服，你又點分得出佢地係人係鬼？👻
今個週末DJ剷泥莎，DJ牙駿同DJ啊潁將會分享佢哋聽過嘅恐怖故事，甚至仲有某位DJ嘅靈異經歷？
☠️各位聽眾朋友記住留意今個禮拜日夜晚8點-9點，揭秘香港不可思議嘅校園鬧鬼故事😱厲鬼亡靈徘徊校園，膽小慎入！👻

DJs: DJ 豆腐花, DJ蔡車手, DJ小白

由細到大，每個人唔多唔少都會有啲野唔捨得揼🥺，因為各種原因草起佢，然後放到一個被遺忘嘅角落🍂。又或者係一啲自己好鐘意嘅野斥巨資買返黎，擺喺好顯眼嘅地方欣賞🥰。但點都好，每個人都一定有一啲自己專屬嘅收藏品～

今個星期日八點至九點，DJ 豆腐花， DJ蔡車手同DJ小白將會大方分享佢地嘅私人珍藏😆

唔知你地又有冇一啲自己嘅私人收藏品呢🌝？

DJs: DJ浩南, DJ啊草

天外飛仙可能好多人唔知係咩，外星人算係知道啦掛！🤡今集我哋將會探討外星人嘅奧秘，揭開著名羅斯威爾事件嘅神袐面紗，去證明人類喺浩瀚嘅宇宙並不孤獨！🌌
今個星期日，夜晚8點至9點，將會由DJ浩南同DJ啊草為大家呈獻，記得唔好錯過啦！🫶🏻

DJs: DJ百力滋, DJ阿鳳, DJ少冰
相信大家係生活上都有唔同嘅煩惱，無論係學業、家庭、友情定愛情
我地係社交平台收集咗大家嘅煩惱將會喺節目到同大家討論同諗解決方法😎
今個禮拜日八點到九點⏰ DJ百力滋, DJ阿鳳, DJ 少冰會同大家分享面對嘅煩惱同解決方法🫂，記得唔好錯過啦！

DJs: DJ渣打, DJ鏟泥莎, DJ滑蛋

👷🏻‍♂️究竟有咩動力 驅使你工作啊👷🏻

職場之路甚艱難🛣️由搵工🔎面試💬到正式工作📎步步都重重學問📚關關難過關關過😮‍💨你喺職場之路又過左幾多關呢⚔️

今個禮拜日八點到九點⏰我地會同大家分享下初入職場披荊斬棘嘅經歷🩸

DJ: DJ蛋白粉﹐DJ珍珠﹐DJ桐桐

🌊一入情場深似海🌊

過幾日就到白色情人節🤍希望大家愛情生活幸福美滿🥧但不幸遇到渣男渣女⚠️嘅話﹐就要保護好自己﹐以免喺戰場🐗般嘅情場上受到傷害🤕

冇有怕！今個星期日八點至九點﹐我哋會教大家點樣分辨🔎渣男渣女﹐仲會同大家一齊做測試📝睇吓大家篤唔篤得穿邊個係海王海后啦🧜‍♀️🧜‍♂️

👇🏻測試連結👇🏻

https://docs.google.com/forms/d/e/1FAIpQLSfG-o6H9Acf8dMPyKLko5BEUqb4cgxVSnudvXSQ1fSI_ga-Kg/viewform?fbclid=PAAaalvDWvUYIq6ALdNWihyrqEGWDGL0Cw7G3ywtru0aD6QUSy7aqukqwqBo8

DJs: DJ腰果，DJ薯片，DJ 阿強

相信大家經常都會聽到或者會用「潮語」😎，唔知大家又有幾瞭解？👀 今個禮拜日八點至九點，DJ 腰果，DJ薯片 同 DJ 阿強會同大家分享下啲大眾普遍用既潮語&歷史🤪記得唔好錯過啦！