Wenn ehr a "It Girls" dänked, wer chonnt euch i Sinn? Vellech d'Taylor Swift oder d'Miley Cyrus? Mer dänked natürlech au doo a Autorinne, und zwar send das d'Joan Didion und d'Eve Babitz. Mer rede i dere Folg echli über d'Biografie vo dene zwöi Schriftstellerinne, wo d'USA vode 1960er und 70er Joor massiv prägt und immer weder portraitiert händ und au nochher no as zwöi vode wichtigschte amerikanische Prosa-Stimme aagluegt worde send.

Mer händ je eis Buech vo ihne gläse und stelles de andere Person und euch vor: D'Noelle hett "Slow Days, Fast Company" vode Eve Babitz gläse und d'Jasmin "Slouching Towards Bethlehem" vode Joan Didion. I beidne Büecher lehred ehr e Siite vo Kalifornie kenne, woner bes jetzt vellech noni vell devoo ghört händ.