Khauf Hai

-Vartika Vani

Khauf hai

Ki alfaaz ab mere panne par sajte nahi hai 

Lafz nikalte nahi the ab ehsaas bhi aansoo mein fisalte nahi hai

Khauf hai

Ki taaron ko dekh ke ab khaamoshi mehsoos hoti hai 

Ishq, ishrat, nafrat kinaaron mein mehfooz soti hai 

Khauf hai 

Ki bewafaai khud se, khud ko bataane mein sharm hai

Khauf hai

Mannat uski darbaar mein khudko ko jataane mein sharm hai 

Pardon ke peechhe chhipte raaz ke khulne ka khauf hai

Khud ko khud ki kaali parchhaai se milne ka khauf hai

Bezaar sirf baaton mein bik jaane ka khauf hai

Rokar apni husool-e-maqsad ghum jaane ka khauf hai

Khauf hai

Ki izhaar ke muntazir ab manzil chhod denge

Raah dekhne wale ab ummeedon se muh mod lenge

Par ab nahi kisi ke na hone ka khauf hai 

Khud ko, khud se, khone ka khauf hai.