МҮОНР-гийн “Урлаг соёлын алба”-наас бэлтгэдэг хөгжимт мэдээллийн “Хэмнэл” хөтөлбөр “Сэрсэн тал” наадмаас тусгай дугаараа бэлтгэлээ.
МУХБ, Төрийн дээд шагнал Тэргүүн зэргийн ЧИНГИС ХААН одонт, Төрийн шагналт, МУУГЗ хөгжмийн нэрт зохиолч Б.Шаравын “Сэрсэн тал” дуу хөгжмийн 3-р наадам түүний төрсөн нутаг Хэнтий аймгийн Жаргалтхаан суманд хоёр өдөр өргөн дэлгэр болж өнгөрлөө.
Гурван жилд нэг удаа болдог уг уралдаанд мэргэжлийн дуучид нутаг нутгаас зорин ирж, ур чадвараа сорилоо.