မန်ယူဟာ ခရာဘောင်းဖလားကွာတားဖိုင်နယ်ကို စပါးနဲ့ ကစားရပါတော့မယ်။ စပါးကလည်း နွံနစ်နေတဲ့ကြားကနေ ဆောက်သမ်တန်ကို ၅ ဂိုးပြတ်အနိုင်ယူပြီး လမ်းကြောင်းမှန်ထက်ဆီ ပြန်တက်ဖို့ ကြိုးစားလာပါတယ်။

မန်ယူကလည်း ဒါဘီပွဲမှာ မန်စီးတီးကို နောက်ကျသွင်းဂိုးတွေနဲ့ အနိုင်ရလိုက်ပြီးတဲ့နောက် ဘယ်လောက်အထိ တိုးတက်မှုရှိလာလေမလဲဆိုတာကို စောင့်ကြည့်ရတော့မှာပါ။

နှစ်သင်းလုံးက ကစားပုံ မတည်ငြိမ်ကြပါဘူး။ အခုနောက်ပိုင်းနှစ်တွေမှာ စပါးနဲ့ဆုံရင် မန်ယူက ရေကုန်ရေခမ်း ကစားရတာမျိုးတွေဖြစ်လာသလို ရလဒ်တွေလည်း သိပ်မစွံလှတော့ပါဘူး။

ခရာဘောင်းဖလား ကွာတားဖိုင်နယ်ပွဲစဉ်မှာ ပရီးမီးယားလိဂ်အသင်းတွေအချင်းချင်း ထိပ်တိုက်တွေ့နေလို့ ပွဲကောင်းတွေဖြစ်လာပါလိမ့်မယ်။ မန်ယူဟာ စပါးကို အနိုင်ယူပြီး ဆီမီးဖိုင်နယ်ဆီ ဆက်လက် တက်လှမ်းနိုင်ပါ့မလား။