- Hevði eg ikki skapað, so hevði mítt høvd eksploderað.

Nú kanst tú fáa eitt lítið innlit í, hvussu fjøllistamaðurin Heiðrikur á Heygum arbeiðir. Í einari serstakari framsýning á Listasavni Føroya ber til at fáa innlit í tilgongdina at umseta tónleik til ein visuellan samleika.

Eitt rúm er gjørt í listaskálanum, sum líkist arbeiðsrúminum hjá Heiðriki. Her sæst, hvussu umfatandi tað er at gera t.d. eina tónleikavideo ella eina kápu. Her eru skitsur, søguborð, tankar og tónar.