Mehmonimiz, iqtisodchi-olim, Xalqaro oziq-ovqat siyosati tadqiqotlari ilmiy tadqiqot instituti (IFPRI) katta ilmiy xodimi — Komiljon Akramov. Komiljon aka bilan dunyoda va mintaqadagi oziq-ovqat masalalari, diyetalarni xilma xilligi, Oʻzbekistondagi oziq ovqat ishlab chiqarish va isteʼmol muammolari haqida suhbatlashdik. Shu bilan birga, Komiljon akaning ilmiy karyeralari, ularni hayot yoʻllari haqida ham suhbatlashdik. Doktorlik dissertatsiyasi yozish jarayoni, AQShdagi ilmiy institutlardagi muhit va qiyinchiliklar haqida ham gaplashdik. Komiljon aka AQShdagi ilmiy faoliyatlaridan oldin ham, Oʻzbekistonda avval fan nomzodi boʻlganlar, keyinchalik esa Markaziy Bankda muhim lavozimlarda faoliyat olib borganlar, shuning uchun Oʻzbekiston yaqin tarixidagi katta iqtisodiy xatolarni kelib chiqishi haqida ham fikr almashdik.