Dum la pasintaj jardekoj la cirkonstancoj de la kopirajto draste ŝanĝiĝis. Antaŭe estis nur bone ekipitaj eldonejoj, diskpresejoj kaj elsendostacioj kun grandaj buĝetoj, kiuj havis la teknikajn eblojn grandskale kopii verkojn. Nuntempe plimalpli ĉiuj havas la eblon kopii kaj tutmonde disvastigi enhavojn. Tio estas bona evoluo al kiu la kopirajto ankoraŭ ne sekvis. La krea komunaĵo estas la reago de progresemaj aŭtoroj al tiu situacio. Ni parolas dum KAEST 2018 pri kio estas kreaj komunaĵoj kaj kiel oni kiel aŭtoro povas uzi ilin por disvastigi kaj protekti siajn proprajn verkojn.