Por homoj kiuj vane atendas proprajn infanojn estas ne nur la eblo adopti infanojn – pri tio ni jam faris epizodon. Estas ankaŭ la eblo akcepti zorginfanojn. Tio signifas, ke la aŭtoritatoj transdonas al iu la respondecon zorgi pri infano, kiu aliloke ne havas taŭgan hejmon. Nia ĉi-epizoda gasto kune kun sia edzo tion faras ekde ĉirkaŭ dek jaroj kaj intertempe havas du zorginfanojn. En la epizodo ni lernas kiel oni fariĝas zorgogepatroj kaj kiaj estas la vivo kaj la defioj de tiu agado.