Iwer zwee Deeg kënne Passionéierter vun der Neier Musek esou wéi Leit, déi einfach virwëlzeg sinn, mat op eng musekalesch Entdeckungsrees goen. D’Marie Trussart huet Lucilin bei enger Prouf besicht a mat der Jil Hamm (zoustänneg fir d’Kommunikatioun) an der Anne-Catherine Feltgen (Office & Projekt Manager) iwwer d’Konzept vum Festival geschwat. Ënner anerem hunn si verroden, wat Lucilin aus der leschter Editioun geléiert hunn a wéi eng Challenges op een duerkënnt, wann een dem Public Nei Musek wëll méi no bréngen. An si verroden natierlech och wat dee Numm 33,7 eigentlech bedeit.

An eiser Rubrik Soundatlas analyséieren an hannerfroen d’Kerstin Thalau an de Joé Birchen eenzel Kläng a Geräischer, sichen hier Lienen zu Alldagskultur, Konscht, jo och zur Wëssenschaft. Dat elo och Sonndes Moies um 20 op 9 am Joé Birchen senger Émissioun “Am Buedmantel”. Di nächst véier Episoden dediéiere si de Grond-Elementer Äerd, Waasser, Loft a Feier. Di véier ginn och nach Wuerzelkräfte genannt: also hunn d'Kerstin an de Joé en Ausfluch an den Norden, souzesoen “back to the roots”, gemaach a waren op de Klangpad zu Houschent, vu wou se fantastesch Opname matbruecht hunn, well se mat spezielle Mikroe schaffe konnten.

An eiser Rubrik Soundatlas analyséieren an hannerfroen d’Kerstin Thalau an de Joé Birchen eenzel Kläng a Geräischer, sichen hier Lienen zu Alldagskultur, Konscht, jo och zur Wëssenschaft. Dat elo och Sonndes Moies um 20 op 9 am Joé Birchen senger Émissioun “Am Buedmantel”. Di nächst véier Episoden dediéiere si de Grond-Elementer Äerd, Waasser, Loft a Feier. Di véier ginn och nach Wuerzelkräfte genannt: also hunn d'Kerstin an de Joé en Ausfluch an den Norden, souzesoen “back to the roots”, gemaach a waren op de Klangpad zu Houschent, vu wou se fantastesch Opname matbruecht hunn, well se mat spezielle Mikroe schaffe konnten.

Dëse Sonnden, 26. Januar organiséiert d'Philharmonie e Ciné-Concert. Ënner dem Motto “L’humour en noir et blanc”, gi schwaarz-wäiss Filmer projezéiert. De Jean-François Zygel, deen de Stommfilm live begleet, ass Pianist, Komponist, Improviséierer an en sougenannten “Vulgarisateur” vu klassescher Musek. D’Marie Trussart huet ënner anerem mat him iwwer seng laangjäreg léift fir Stommfilmer geschwat an doriwwer wéi een Humor musekalesch ausdréckt. Mat Hëllef vu sengem Piano erzielt de Jean-François Zygel déi eng oder aner Witzer a weist datt een déi och ouni Wierder erziele kann. An et ass net déi éischte Kéier datt de Fransous an der Philharmonie spillt, et kéint ee scho bal soen, datt hien e Stammgaascht ass...

Mëttlerweil ginn et eng ganz Partie Muséeën, déi sech fir d’Entwécklung vu “Computerart” interesséieren, respektiv Konschtwierker aus deem Beräich sammelen. Allerdéngs geet et dobäi meeschtens ëm Aarbechten, déi no 1990, an also no der Aféierung vum Internet entstane sinn. Bis den 2. Februar proposéiert de Mudam, sech emol mat de Joren 1960 bis 1991 ze beschäftegen, deemno souzesoe mat analoger Computerkonscht. “Radical Software: Women, Art & Computing 1960-19191” ass déi aktuell Expo iwwerschriwwen. D’Kerstin Thalau hat Geleeënheet, verschidde Computerkënschtlerinne kennen ze léieren: zum Beispill d'Amerikanerin Rebecca Allen an d'Belsch Anne-Mie Van Kerckhoven.

D’Tatty Macleod ass eng franséisch-brittesch Komikerin déi mat hiren Observatiounen iwwert hir zwou Kulture Leit aus der ganzer Welt zum Laache bréngt. Si stellt hir Show en Donneschdeg och zu Lëtzebuerg vir.

(Foto: Tatty Macleo)

De Michel Delage, d'Vesna Andonovic an d'Valerija Berdi hunn dësen amerikanesche Prisongsdrama am leschte Grousse Kino beschwat.

Nodeems de Jean Muller bäi de leschte Produktiounen de Fokus op Komponiste wéi de Beethoven, Bach, Chopin a Liszt geluecht huet, goufen elo dem Mozart seng Pianossonaten op CD erausbruecht.

Am Gespréich mam Lex Kauffmann, huet de Jean Muller iwwert d'Gedanken an d'Schwieregkeete vun dëser fënnef-Deeleger CD-Produktioun geschwat.

Den Nicolas Calmes huet säi Radar aktivéiert a gëtt Tipps fir spannend kulturell Rendez-vousen dës Woch.