कुरुख ईसाई गीत - "धैन हे धर्मे उरबिया".mp4 //

1 कोरिन्‍थ 15 -- मसीसी उज्‍जा चो'अना1अना भईरो! अक्‍कुन ऎन निमन तिंका दौ कत्‍थन अउर हूँ सुरत'आ गे बेद्ददन। अदिन नीम इंझ्रकर हूँ अरा अइय्या नीम बड़ियर मंजकर ती र'अदर। 2ऎन निमन तिंका कत्‍था नू नीम बड़ियर र'अदर होले, आ दौ कत्‍था ती नीम नाड़रदर, मला होले निम्‍है पत्त'अना अनभनियाँ मनो। 3ऎन ख़क्‍खका कत्‍था अरा कोड़हे मुध एन्ने बाचर ती निमा गे अंड़सताचका कत्‍था ईद हवे का, नेम्‍हा पुथी नू एकासे लिख्रकी र'ई, अन्नेम मसीस नम्‍है पाप गुट्ठी गे केच्‍चस। 4अरा आस मसड़ा नू उइतारस। अरा नेम्‍हा पुथी नू लिख्रका लेक्‍खा तिसर उल्‍ला उज्‍जा चॊचस। 5अरा आस पतरस गे अरा ख़ॊख़ा बारो चेलर गे ऎथ्रस। 6अदही ख़ॊख़ा आस ओन्‍टम बेड़ा नू पाँच सौ ती हूँ बग्‍गे भईर गे ऎथ्रस। अबड़र ती बग्‍गे आलर इन्ना हूँ उज्‍जनर, लिकिन जोक्‍कोर केच्‍चर हूँ केरर। 7अदही ख़ॊख़ा आस याकॊबस गे फेन ओर्मा तइरकर गे ऎथ्रस। 8ओर्मर ही ख़ॊख़ा उल्‍ला मल पूरचका कुन्‍द्रका आलन लेक्‍खा र'अदन एंगा गे हूँ आस ऎथ्रस। 9ऎन गा तइरकर ओर्मर ती सन्नी हिकदन। ऎन तइरकन बारना ही जॊगे हूँ मलदन, एन्‍देरगेका ऎन धर्मेसी कलीसियन खिलपत नंजकादन। 10अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन। 11औंगे ऎन मलता आर, ऎम ई दौ कत्‍थन तेंगा कुद्दम अरा अइय्यम नीम पत्ताचकादर हूँ।