LADINIA LIVE - Podcast

La sostegniboltà e l ambient, sessaben, l é argomenc de grana atualità. Ampò, saone delvers cheche vel dir esser sostegniboi? Aone na sensiboltà ambientala? E sione bogn de la meter en esser avisa? Per desgatièr donca chesta domanes, rejonon con Stojan Deville, responabol de l’ufize de igiene ambientala del Comun General de Fascia. Conduzin Cinzia Pistoia

Les scores y scolines ladines é n spidl de nosta sozieté. Al röia insciö pormez scolars y scolares cun lingac, cultures, talënc y capazités desvalies. Le Sorvisc por l’inclujiun dá n gran sostëgn por che vignun y vignöna se stais saurí te chësta comunité. La referënta por l’inclujiun Elena Pellegrini, nes cunta y nes presënta le Sorvisc por l’inclujiun.

N program de Sara Frenner

L ie n tëmp de mudazions, chël che vivon al mumënt y nce la Ladinia ne fej nia ezezion. Dal turism al problem dla cëses, dal cost dla vita aut ala mobilità problematica, ndlonch ie la populazion cunfrunteda cun situazions che se muda y che raprejënta, dantaldut per la nueva generazions, na ndesfideda mpurtanta. Cunsciderazions cun Elide Mussner, cunseliera dl Chemun de Badia. Conduzion Leo Senoner

Al chino de Cianacei l é stat portà dant n event dedicà al bon stèr, al valor de stèr adum e de esser pèrt de na comunanza. Na ocajion per baratèr idees, esperienzes e cognoscenzes. N rejonon con Marino Pederiva, president de la sociazion ACAT sezion de Fascia. Conduzion Cinzia Pistoia

Da nvalgun ani vëniel rujenà nce te nosc raion de hotspot turistichs, chëi posc ulache na (massa) gran cumpëida de persones ruva adum per amirè la belëzes naturalistiches dl raion. Nce te Gherdëina iel de tei posc, nce te Gherdëina raprejënta chisc hotspots n problem che l va debujën de monitoré y puscibelmënter de miuré. Ntervista cun Christina Demetz, respunsabla comunicazion y marketing dl cunsorz turistich Dolomites Val Gardena. Conduzion Leo Senoner

Val’iade ne se vëgnel propi nia imënt sciöche an dij na certa parora por ladin. Deache i sun pa de tröc n pü’ tla medema situaziun, nen baiunse n iade tl radio cun n’esperta de lingaz, la traduturia Isabella Ties, che nes dá ince val’ consëi de co che an po la tó por se daidé do, sce an oress baié n bel ladin.

N program de Sara Frenner

En mèrtesc ai 20 de otober, a Sèn Jan, tel chèder di apuntamenc “Salute a 360°”, vegnarà portà dant na scontrèda dedichèda a la prevenzion del tumor al piet. Na ocajion per cognoscer de più sul argoment, scutèr testimonianzes e aer informazions chières su la prevenzion. N rejonon con l’assessora a la sanità del Comun de Sèn Jan, Lucia Dellagiacoma. Conduzion Cinzia Pistoia

Tla senteda anuela dla assoziazion provinziela dla scoles de schi vëniel tematisà l daunì dl sport dl schi, ma nce la puscibeltà de slungè l’atività dla scoles a dut l ann. N tema mpurtant nce per i jëuni che uel se nderzè deviers dla prufescion de maester de schi, snowboard y pudejé. Ntervista cun Flavio Prinoth, presidënt dla lia dla scoles de schi de Südtirol. Conduzion Leo Senoner

En vender ai 9 e en domenia ai 11 de otober, a Cianacei, l’Union di Ladins de Fascia porta dant la Festa del Rengraziament, dedichèda a duc chi volontadives che se dèsc ju per la cura de la persona. Na ocajion per zelebrèr e cognoscer miec la picola sociazions che deida e dèsc sostegn a la jent sun nosc teriotorie. N rejonon con Stefano Weiss, vizepresident de l’Union di Ladins de Fascia, e con Mirella Florian, assessora del Comun de Sèn Jan. Conduzion Cinzia Pistoia

LadiniaTour 2026 ie la gran festa dla mujiga moderna ladina che porta sun palch dai 2 ai 4 de utober la 5 grupes Sun Sëida, Nëus Doi, Ines, Julian Moling and the D-Street Band y i Popcorner. Leprò saràl uni sëira da udëi y audì te Gherdëina, Fascia y tla Val Badia na grupa special guest cun si repertoire storich. La manifestazion vën metuda a ji sun scumenciadiva dla Union Generela di Ladins dla Dolomites. Ntervista cun Georg Mussner, cuordinadëur dl LadiniaTour 26. Conduzion Leo Senoner