Podcast nr. 2, om "Rockehistorie i Valdres". Frå flower power til forsterkarar på full guffe !

I studioet i GG13-garden på Fagernes tek Bjørn Stendebakken frå Leira i Valdres oss med på ei musikalsk tidsreise gjennom rocken si historie i dalføret. Det startar på 60-talet med den glade hippietida, går vidare gjennom rockesvoltne 70-år og inn i 80-talet med Valdres Musikkforum – krydra med Bjørn sine eigne historier og sterke musikkopplevingar utanfor Valdres. Mot slutten rundar redaktør Roy Myrland av praten med gode spørsmål, medan teknikar Kjell Einar Kana frå Kreativ Videoproduksjon sørgjer for at både lyd og stemning sit som dei skal. Dette er berre første del – og rockereisa held fram i podkast nummer 2.

Langs Vegen No. -Ein podkast frå nettavisa www.langsveien.no og Roy

Langs Vegen No. -Ein podkast frå nettavisa www.langsveien.no og Roy Myrland.

Valdres i hjartet: Vedum om formueskatt, eigarskap og lokalsamfunn

https://youtu.be/EuyyBKUuvq4

Senterparti-leiaren og stortingsrepresentanten Trygve Slagsvold Vedum tok imot redaktør Roy Myrland og podkasten Langs Vegen No i kontoret sitt på Stortinget til ein grundig prat om nokre av dei mest krevjande spørsmåla i norsk økonomi og næringspolitikk.

Der vart han utfordra på både formuesskatt og oppkjøp av norske bedrifter – tema som vekkjer sterke meiningar og uro mange stader i landet. Vedum svara utførleg, med både resonnement, skråblikk og eit solid lass engasjement om eigaskap og distriktspolitikk. Samstundes understreka han at både han og Senterpartiet er opptekne av å gjere ein skikkeleg jobb for at folk skal kunne ha det godt – både no og i framtida. Undervegs tok han fleire svingar innom Valdres, der familiebedrifter og lokalsamfunn blir løfta fram som sjølve ryggrada i verdiskapinga – servert med glimt i auget og ein bonde-metafor eller to. Bodskapen er tydeleg: Nasjonal politikk skal kjennast heilt ut der fylkesvegen er både smal og humpete, og avstanden til Oslo lang.

Langs Vegen No. -Ein podkast frå nettavisa www.langsveien.no og Roy Myrland.

Frå flower power til forsterkarar på full guffe !

I studioet i GG13-garden på Fagernes tek Bjørn Stendebakken frå Leira i Valdres oss med på ei musikalsk tidsreise gjennom rocken si historie i dalføret. Det startar på 60-talet med den glade hippietida, går vidare gjennom rockesvoltne 70-år og inn i 80-talet med Valdres Musikkforum – krydra med Bjørn sine eigne historier og sterke musikkopplevingar utanfor Valdres. Mot slutten rundar redaktør Roy Myrland av praten med gode spørsmål, medan teknikar Kjell Einar Kana frå Kreativ Videoproduksjon sørgjer for at både lyd og stemning sit som dei skal. Dette er berre første del – og rockereisa held fram i podkast nummer 2.

Langs Vegen No. -Ein podkast frå nettavisa www.langsveien.no og Roy Myrland.

Kva skjer når vi sluttar å leite etter svar utanfor oss sjølve?

I denne episoden av Langs Vegen No møter du Marit Reitan i AGAPE instituttet. Det er ein varm og nær samtale om intuisjon, førstetanken og vegen heim til seg sjølv. Ho er rekna av mange som ei av dei fremste rettleiarane i landet innan intuitiv innsikt, men for henne handlar alt om menneska – og om å bidra til eit tryggare og meir heilskapleg liv.

Takk til Spar Beitostølen, Joker Ryfoss og MENY Stavern for stønad og annonsebidrag til Langsvegen.no.

Gjennom forteljingar og refleksjonar blir kjernen i livsverket hennar tydeleg. Og bodskapen, som også er målet med denne podkasten, kan samanfattast slik: –«Eg unner folk å finne vegen til seg sjøl.»

Samtalen tek oss først med tilbake til oppveksten hennar i Steinkjer, og til små og store hendingar som tidleg var med på å forme nysgjerrigheita, omtanken og interessa hennar for det indre livet. Det er tydeleg at dette ikkje berre handlar om metode eller teknikk, men om eit djupt menneskeleg engasjement.

Å stole på førstetanken – og seg sjølv

Praten dreier raskt inn på intuisjon, førstetanken og det å våge å stole på den indre stemma – den som ofte veit meir enn vi gir henne æra for. Marit snakkar om reading , som ho òg kallar ei lesing, og skildrar dette som ei rettleiing som kan gi klarleik, tryggleik og nytt perspektiv.

Ho forklarer på ein jordnær og forståeleg måte korleis ho utføre ei lesing, og understrekar at det ikkje handlar om å få svar utanfrå, men om å hente fram det mennesket allereie ber på. Det er nettopp her Marit si ekte kjærleik til menneske kjem tydeleg fram – ønsket om å gjere andre trygge nok til å stole på seg sjølve.

Agape Instituttet – eit rom for vekst og medvit

Marit starta AGAPE Instituttet i 2005, og har i over 20 år undervist og lese tusenvis av menneske innan sjølvvinnsikt og personleg utvikling. Drivkrafta hennar har heile tida vore ønska om å gi fleire tilgang til sitt eige indre kompass.

Ho meiner evna til å lese seg sjølv og andre er ei sans vi alle er fødde med, og at denne sansa kan trenast – på same måte som alle dei andre sansane våre. Gjennom arbeidet sitt har ho vist ei enorm medmenneskelegheit, der respekt, varme og tillit står heilt sentralt.

Ein samtale prega av varme, alvor og siste

Podkasten blir leid av redaktør Roy Myrland, som med nysgjerrigheit, varme og openheit gir rom for ein fri og levande samtale. Samspellet mellom dei to er prega av nærleik, seinare, alvor og ekte engasjement, og prat rører seg sømlaust mellom det personlege og det større perspektivet.

Lyttaren blir til å vere litt mei til stades i augneblinken – og kanskje slutte å leite så intenst etter svar utanfor seg sjølv.

Ei påminnelse om det vi allereie er

Dette er ei episode som er vanskeleg å oppsummere fullt ut, men lett å anbefale. Ho kan gi både eit smil om munnen og ei stille påminning om noko heilt grunnleggjande:
At mykje av det vi søkjer, allereie finst på innsida – og at vi fortener å finne vegen dit.

AGAPE instituttet: https://www.agapeinstituttet.no/

Fleire videoar med Marit Reitan her:  https://www.youtube.com/results?search_query=marit+reitan&sp=EgIQAQ%253D%253D

Langs Vegen No. -Ein podkast frå nettavisa www.langsveien.no og Roy Myrland.

Han lever sitt beste liv, i ein pickup som er som ein sveitsisk lommekniv med motor.

Annonsørar: Montér Kvismo, Valdresbil A/S og Hovli Auto A/S.

Bjørn Egge frå Høre i Vang i Valdres har funne sin eigen måte å leve godt på. Med Oslo som fast adresse og ein Nissan Navara som heim på hjul, tilbringer han rundt 200 døgn i året ute i naturen – året rundt. Snø, kulde og ruskevêr er berre ein del av pakken.

Dette er ein podkast om ein Bjørn på vandring. Om fridomen i å reise når ein vil, stoppe der det kjennest rett – og bli verande litt lenger om ein har lyst. Bjørn reiser etter innfallsmetoden, utan faste planar, og viser at friluftsliv med stor fridom er oppnåeleg for fleire enn mange trur.

I pickup-riggen har han alt han treng: varme, seng, vatn og moglegheit til å lage god mat. Dagane fyllest med fotturar, skiturar, bøker og bålkos. Dusjen tek han ute, i eit enkelt dusjtelt – heilt greitt, følgjer Bjørn sjølv.

Skulle han bli en dag ekstra, eller om en kunde ringer, er det heller ingen hindring. Med PC og Starlink kan han jobbe like godt frå ein nedsnødd fjellovergang som frå heimekontoret i Oslo.

Bjørn er også tydeleg på korleis han ferdast i naturen. Trass i kraftig firehjulsdrift køyrer han aldri utanfor godkjende vegar. Han meiner ein ikkje treng å lage spor i terrenget for å finne dei beste stadene – dei finst allereie, om ein tek seg tid.

Under navnet Egge Overland deler han glimt fra turane sine i Noreg, Sverige, Finland og Island, og inspirerer mange til å leve litt friare, forklare – og meir på naturen sine premissar.

Dette er ein podkast om fridom, vandring og eit liv ute – heile året.

Langs Vegen No. -Ein podkast frå nettavisa www.langsveien.no og Roy Myrland.

Under innspelinga av podkasten med Hanna Gjeilo Skjåkødegård i Smiu på Bismo i Skjåk, dukka Aud Hove (Sp) – gruppeleiar i Innlandet fylkesting – uventa opp med ei julegåve. Ho ønskte å heidre Hanna for den kompromisslause innsatsen ho har lagt ned som leiar av TAFI ( Tverrfaglig arbeidsgruppe for framtidsskolen i Innlandet ), og for arbeidet med å sikre framtida til Jotunheimen Privatistskole i Lom.

Etter ved Arbeidarpartiet, Høgre og MDG i Innlandet fylkesting vedtok å legge ned Lom vidaregåande skule hausten 2024, har Hanna stått støtt i front. Med uredd, sakleg og tydeleg stemme har ho arbeidd målretta saman med både private, stortings- og fylkespolitikarar, samt næringslivet, for å få Jotunheimen privatiskule offentleg godkjend og statsstøtta – på lik linje med andre private vidaregåande skular i Noreg.

Langs Vegen No. -Ein podkast frå nettavisa www.langsveien.no og Roy Myrland.

Det er ikkje kvar dag ein møter menneske som både har doktorgrad, dugnadsånd og kampvilje nok til å flytte fjell – eller i det minste redde ein vidaregåande skule. I denne podkasten møter du Hanna Gjeilo Skjåkødegård frå Skjåk i Gudbrands dalen, kvinna som stod i første rekke då kampen for vidaregåande opplæring i Lom verkeleg tok til.

Med di hjelp kan vi fortelje fleire viktige historier – i podkast, video og tekst. Gå vidare her.

Medan skulekampen har rasa, har Hanna vore busett i Bergen. No har ho teke med seg både ektemannen Vetle og døtrene Frida og Maria, og flytta heim att til Skjåk. Familien bur mellombels i ein bustad eigd av Skjåk kommune, ein del av ordninga der folk kan få «prøvebu» i bygda i inntil tre år. Men her er det ingen tvil: Hanna skal ikkje prøvebu. Ho og familien skal bli – så snart huset dei byggjer står ferdig.

Saman med TAFI – Tverrfagleg arbeidsgruppe for framtidsskulen i Innlandet, og ei rekkje andre gode krefter, har ho vore med på å samle inn over 65 millionar kroner til det som i dag heiter Jotunheimen Privatistskole. I podkasten får Hanna òg besøk av sambygding Aud Hove, gruppeleiar for Senterpartiet i Innlandet fylkeskommune. Ho har med seg ei gåve av det heilt unike slaget – ei helsing som seier mykje om kva slags menneske Hanna er.

Samtalen er spelt inn i Smiu på Bismo i Skjåk, der redaktør Roy Myrland i nettavisa Langsvegen.no både intervjuar og har produsert podkasten. Undervegs blir det både sist, alvor og refleksjonar om bygdekraft, politikk, barn og framtid. Hanna har nemleg også doktorgrad frå Det medisinske fakultetet ved Universitetet i Bergen, og arbeider i dag som postdoktor og forskar innan vekt og spiseforstyrringar hos barn og unge.

Podkasten er produsert med annonsestøtte frå: Thorstein Brun og Brun Bygg A/S, Harald Rune Øvstedal og Gjendebåtene, samt Bernt Jo Vole i Visit Bessegen og Gjende.

Sjå og høyr heile podkasten – dette er bygdehistorie medan ho blir til.

Langs Vegen No. -Ein podkast frå nettavisa www.langsveien.no og Roy Myrland.

VOM hundemat frå Trøgstad har funne vegen ut i verda – heilt utan snarvegar.

Det luktar verken eksotisk superfood, avanserte laboratorium eller internasjonale konsern i lokala til Vom og Hundemat i Trøgstad. Her luktar det rett og slett kjøt. Norsk kjøt. Og det er akkurat slik Magne Østby vil ha det.

– Vatn og andre «ingredienser» tilset vi ikkje. Vatn får hundeeigarane ordne sjølve når dei fôrar, seier han kontant over lunsjbordet.

Midt i arbeidsdagen har redaktør Roy Myrland i Langs Vegen No rigga seg til for podkastinnspeling. Dette er Langs Vegen No – bokstaveleg tala.

Frå kjøkkenbenk til 19 land

Historia om VOM starta ikkje med ein stor forretningsplan eller investorar i dress. Ho starta med ein sjuk hund, ein pølsemakar – på kjøkkenbenken i Trøgstad på 1990-talet.

Magne Østby visste éin ting: råvarene betyr alt. Då han ikkje fann hundemat han stolte på, laga han like godt sin eigen. Resultatet vart Vom og Hundemat AS, etablert i år 2000 – bygd på eit prinsipp som framleis står fjellstøtt:

Berre naturlege, norske råvarer. -Tilsatt vitamin og ikkje noko anna.

I dag blir hundematen frå Trøgstad seld til 19 land, verksemda har rundt 35 tilsette, og produksjonen skjer framleis der alt starta – på garden.

– Det er ikkje nødvendig å gjere det meir komplisert enn det er, seier Østby.

Når verdas beste sledehundar et frå Østfold

At filosofien fungerer, er det liten tvil om. Nokre av verdas aller beste hundekøyrarar har valt VOM råfôr når marginane er små og belastninga ekstrem.

Sigrar i Iditarod, Finnmarksløpet og ei rekkje andre store nasjonale og internasjonale hundeløp er tekne med hundar som er fôra på råvarene frå Trøgstad.

– Når hundane skal yte maks over lang tid, ser folk raskt kva som fungerer, seier Østby nøkternt.

Her er det lite skryt – meir konstatering.

OL-Trap, presisjon og langsiktig tenking

Den same roen og presisjonen går igjen også utanfor hundeverda. Ved sida av rolla som gründer har Magne Østby vore landslagstrenar i hagleskyting, nærare bestemt OL-Trap – ein idrett der detaljar, disiplin og konsentrasjon avgjer.

– Det handlar mykje om det same. Førebuingar, grunnarbeid og å gjere ting rett kvar einaste dag, seier han.

Sønnene har teke over – faren følgjer med

I dag er det sønnene som styrer vidare.
Ole Magnus Østby er dagleg leiar, medan Vegard Østby har rolla som driftsleiar. Magne sjølv har trekt seg litt tilbake, men er framleis tett på – som rådgjevar, sparringspartnar og tydeleg verdiberar.

– Det er fint å sjå at det lever vidare, seier han.

-Her skal folk trivast – kvar einaste dag.

For Magne Østby handlar kvalitet ikkje berre om hundemat. Det handlar òg om menneska som lagar ho.

Hos VOM er det varm lunsj kvar dag, servert rundt eit bugnande bord som minner meir om eit hotell enn ei industriverksemd. Og to dagar i veka skjer det og noko heilt anna enn produksjon:

Då kjem massøren!

– Alle tilsette får tilbod om ein halvtime massasje i veka. Det er viktig å ta vare på folk òg, seier Østby, som om det skulle vere det mest naturlege i verda.

Kanskje er det nettopp derfor folk blir.

Podkast midt i kvardagen – utan filter og utan vatn

Podkasten Langs Vegen No er spelt inn midt i dette – utan filter, utan staffasje og utan tilsett vatn. Ein lunsjprat mellom redaktør Roy Myrland og ein gründer som aldri har vore interessert i snarvegar.

– Dette er ikkje fancy, seier Østby og ser rundt seg.
– Det er berre ordentleg.

Og nettopp det er kanskje forklaringa på kvifor hundemat frå Trøgstad har funne vegen til både verdas hardaste vinterløp – og til heilt vanlege matskåler hjå hundefolk over heile verda.

Langs Vegen No. -Ein podkast frå nettavisa www.langsveien.no og Roy Myrland.

Dagens leder av Lokalsamfunnforeningen er uredd, målretta og kjend for å seie ting som dei er. -Svein Olav Agnalt er ei av dei mest respekterte og tydelege stemmene mot sentralisering i Noreg. I denne podkasten frå Langsvegen.no blir du betre kjent med Agnalt – frå barneåra i Østfold til eit langt liv i politikken, næringslivet og som forkjempar for sterkt lokalsamfunn.

I denne episoden av Langs Vegen No blir vi bedre kjent med Svein Olav Agnalt (Ap) – frå oppveksten i Østfold til eit langt liv i politikken, næringslivet og arbeidet for kommune-Noreg og levande lokalsamfunn i heile landet. Undervegs har han samla erfaringar, gode historier og solide mengder politisk nerding.

Podkasten er spelt inn på kontoret hans hos Norsk Dekor, verksemda han starta i 25 år sidan, og der han no lever eit fritt og humørfylt seniorliv saman med 16 tålmodige og dedikerte medarbeidarar. Som medgrunnleggjar og leiar av Lokalsamfunnsforeningen, saman med Ole Kristian Narud, har Agnalt vore ei av dei mest standhaftige og viktige stemmene mot sentralisering i norsk politikk.

Det blir både humor, lokalpatriotisme og politisk dypdykk når redaktør Roy Myrland frå Langsvegen.no leier samtalen med mannen som var ein populær og omsorgsfull ordførar – og seinare varaordførar – i totalt over 12 år i Skiptvet kommune.

Langs Vegen No. -Ein podkast frå nettavisa www.langsveien.no og Roy Myrland.

-Ein unike merkevarebyggjar for Beitostølen og Valdres!

Dagens podkastgjest er ein mann som i fleire tiår har gjort ein uvurderleg innsats for både unge og eldre skal få oppleve skiglede, meistring og fellesskap. Som eldsjel, samfunnsbyggjar og tidlegare stadionsjef på Beitostølen Skistadion har han teke ansvaret for lokalmiljøet på djupaste alvor – og det gjer han framleis, med ein glød som har gjort Valdres og bygda til ein endå betre stad å bu, besøkje og kome tilbake til.

Artikkel og podkast er laga med støtte frå: Vaset Skiheiser, Trio Elektro,

Og ikkje minst: Beitostølen er staden der langrennsløparar i snart ti år har hatt den mest snøsikre sesongstarten – og der skisesongen verkeleg tek til!

Det er ikkje kvar dag ein oslogut Bøler blir ein av dei viktigaste personane i utviklinga av ei fjellbygd i Valdres. Men Erik Østli, kjend som “Leppa frå Bøler”, har vore heilt avgjerande for både identiteten, økonomien og den sportslege posisjonen til Beitostølen.

Som tidlegare stadionsjef på Beitostølen Skistadion har Østli vore den viktigaste merkevarebyggjaren for både Valdres og Beitostølen. Gjennom målretta arbeid, profesjonalitet og ei heilt særskilt evne til å skape tillit i idrettsmiljø nasjonalt og internasjonalt, har han utvikla sesongopninga for langrenn til eit arrangement i verdsklasse. Det har ikkje berre sett Beitostølen tydeleg på kartet – men også skaffa titusenvis av gjestedøgn både på Beitostølen og dalføret.

Langs Vegen No. -Ein podkast frå nettavisa www.langsveien.no og Roy Myrland.