Peyi a sal, peyi a lèd, peyi santi di, santi kri, peyi a mastòk, peyi deplimen, peyi a anvlimen, peyi a defilfare, peyi a deboudare, peyi a defigire, dechalbore, peyi a anfwajele.

Peyi a likide, peyi a piye, peyi a boukante, peyi pèdi wout li, peyi a pran so kabrit, peyi a pran kalòt masa nan men pwòp pitit li

peyi a koukouman kòl pou l manje afliba ak sinistre nan de pla menl aprè gwo dife yo mete nan kan lapis la ki kankannen rapyetè tout zafè moun andikape yo anba de nawè tout otorite.