15.06.2020 - Die CLF-Elise Templehoff-toekenning vir omgewingsbewaring_word vanjaar vir die eerste keer gegee. Dit word toegeken aan Prof Ernst Conradie wat met etlike gesaghebbende publikasies die ekologiese krisis waarin ons verkeer vanuit Christelik-teologiese hoek onder die kerklike aandag gebring het. Conradie, verbonde aan die Universiteit van Wes-Kaapland, het die Andrew Murrayprys vir teologiese publikasies in Afrikaans reeds twee keer gewen.