أنا هنا ليه؟ (لماذا خُلقنا؟)

"مشكلتنا مش إننا بنسأل.. مشكلتنا ساعات بنسأل من غير ميزان، فيتحوّل السؤال من بوصلة للهداية لقيد أسر."

في الحلقة دي من برنامج أسير:

* بنخرج من أسر سؤال: "أنا هنا ليه؟ ولماذا خُلقنا؟"، ونفهم إزاي "العدم" ملوش إرادة عشان نقول "مكنتش عايز آجي". بنكشف سجن "اللامعنى" اللي بيحولنا لـ "إنسان إجرائي" بيقيس قيمته بالأرقام والنجاح المادي بس، وبيغرق في فراغ روحي رغم كل اللي بيمتلكه.

* ميزان النور: هنرجع لـ "صاحب الصنعة" ونقرأ خارطة الوجود من خلال (حديث أم السنة) لسيدنا جبريل. هنكتشف إننا خلقنا لثلاثة مقاصد مغزولة ببعض، ونفهم إن الانفصال بين الدين والحياة هو اللي بيخلق سجن "الكمية المتوحشة".

* التحول: إزاي ننتقل من سؤال الأسير (لماذا خُلقنا؟) إلى سؤال السائر (اللي هنتعرف عليه في الحلقة).

في البرنامج مش بنقدّم إجابات جاهزة، لكن بنكشف سوا عن منهج يحرّر أسئلتنا.. ويحوّلنا من ظلمة الأسر.. إلى نور السير.

د. #عمرو_الورداني

#كيف_أسير

#العقيدة

#أسير

#من_الأسر_إلى_السير