Santu Guztien eguna laster denaren seinale atzo Ordiziako azokan erosleak loreak erostera joan zirela. Mota eta kolore guztietakoak ikus zitezkeen. Koloretako azalore dotoreak ere bazeuden Lierni Elortzak kontatu digunez. Kiwien sasoia ere bada orain, eta Euskal Herriko klimara ederki moldatu denez, bertako kiwiak erosteko aukera dugu. Pentsa, bertakoa kiloa 3,5 eurotan eros daiteke eta Zelanda Berritik ekarritakoa 4 eurotik gora dago salgai.