Johnny singer 81

الطوفان هو الحل - جوني

Listen Later
البسمة على وشي إنما
فـ القلب ميت عقرب
ياللي إنتي أبعد م السما
ومن الضلوع أقرب
الجاي بيعيد اللي راح
وأنا لسَّه مستنِّي
جوَّايا بتئن الجراح
ويقولوا بيغنِّي
تسع سنين غرقان أنا
وإنتي الشطوط تاهت
تسع سنين بأنزف غُنا
بسّ الكلام باهت
وعاملين مِن حروفنا حصون
تحاوط كلّ شيء فينا
وفاكرين إنها هـ تكون
دروع م الموت هـ تحمينا
وأتاري الكلمة زنزانة
حيطان مش قادرة تفهمنا
قبور شايلينها جوَّانا
بندفن فيها أحلامنا
هُسسسس
...................
كلمات وألحان ورؤية موسيقية:
أنطونيوس نبيل
بيانو: مينا ميلاد
كمان: محمد علي
ساكس وفلوت: لؤي خليفة
رق: محمد مجدي
تصميم بوستر: بيتر نبيل
حضور مميز للفنانة: ريم نسيم
...more
View all episodesView all episodes
Download on the App Store
Johnny singer 81By Johnny singer 81