Os nosos antergos si que sabían. Os castros están ubicados en lugares con moi boas defensas pero tamén cunhas vistas impresionantes. Coñecemos o de Chandebrito da man de Árbore Arqueoloxía. E de sorpresa para moitos, con eles descubrimos a restaurada torre de Meira, en Moaña, derribada polos Irmandiños.

Como chega o verán, imos falar da operación bikini e mais de novas propostas de materiais cos que vestirnos… a partir de redes de pesca. Conversamos coa Cooperativa de Armadores. Jorge Romón é o xefe de proxectos e, de paso, adéntranos no mundo da pesca con conciencia medioambiental, social e económica.