Í þættinum er flutt tónlist eftir þýska tónskáldið Max Bruch og tvo nemendur hans. Bruch fæddist 1838 og lést 1920. Hann er einkum frægur fyrir fiðlukonsert sinn nr.1 í g-moll. Konsertinn varð fljótt vinsæll og það olli Bruch gremju að síðari fiðlukonsertar hans, nr.2 og 3, féllu algjörlega í skuggann af hinum fyrsta. Í þessum þætti fá hlustendur samt að heyra 1. kafla fiðlukonserts Bruchs nr.3 í d-moll. Einnig verða flutt píanóverk eftir Clöru Faisst og kafli úr fiðlusónötu eftir Ottorino Respighi. Umsjón með þættinum hefur Una Margrét Jónsdóttir og lesari er Jóhannes Ólafsson.