Runje hakle je sej iniciatiwa Serbski sejm nowe myto wumysliła, kiž swojim swěrnym pomocnikam spožča: "Myto Jana Skale". Ale tež bjez tuteho eksistuje hižo tójšto serbskich mytow. Janek Wowčer je so z tym zaběrał.

Naš reporter Matej Dźisławk je zestajił lětušu křižersku rozprawu, mjez druhim tež wo křižerjach a procesionach z Baćonja, z Budyšina, z Ralbic, z Wotrowa, z Njebjelčic a z Wotrowa.

Naš reporter Matej Dźisławk je zestajił lětušu křižersku rozprawu, mjez druhim tež wo křižerjach a procesionach z Baćonja, z Budyšina, z Ralbic, z Wotrowa, z Njebjelčic a z Wotrowa.

Dźensa zhoniće wo prěnim serbskim dźěćacym koparskim campje, wo prózdninach z instrumentom a wo Huzarskim kruchu.

Podajće so zhromadnje z Benom Bělkom do něšto tysac kilometrow zdalenej Mongolskej. Po kraju potajkim, kotryž je wšo druhe hač typiski dowolowy kraj. Tři tydźenje po dalinje mongolskeje stepy...

Matej Wjeńka je so z Achimom Bušu a dalšimi akterami Radworskeho sporta wo stawiznach towarstwa rozmołwjał. Zhromadnje zhladuja na 100-lětne wobstaće serbskeho sportoweho towarstwa.

Projekt TCM “Mór a lubosć” změje w Chrósćicach bórze pod hołym njebjom swoju premjeru. Dla korony dyrbješe so dwójce přesunyć. Wo ćežach a rjanosćach přihotow, je so Monika Gerdesowa ze štyrjomi akterami rozmołwjała.

W zašłych tydźenjach sće móhli naš słuchomobil na Łužiskich drohach wuhladać. Po puću běše potom z nim reporter Beno Šołta. A to do wšelakich zawodow, hdźež Serbja dźěłaja, Wjerški reportažow su tule zestajili.

Beno Šołta bě dźensa znowa live po puću a zetka Serbow pola firmy Packwell w Sepicach, kiž produkuje wosebity papjerc, žłobičkaty papjerc, němsce Wellpappe za wšě móžne zapakowanja.

W juliju wotmě so njewšědne rjadowniske zetkanje. Ći, kiž tam zhromadnje wobjedowachu a bjesadowachu, su hižo 1959 na Serbskej rozšěrjenej wyšej šuli maturowali. 63 lět po tym so znowa zetkachu, wě Monika Gerdesowa.