Արմավիրի մարզի Մուսալեռ համայնքի Ֆրանց Վերֆելի անվան միջնակարգ դպրոցի ուսուցիչն է Մելիք Մկրտչյանը։ ԵՊՀ Պատմության ֆակուլտետի ասպիրանտը թեև իր հետագա գործունեությունը պատկերացնում էր բուհական համակարգում, բայց միանալով «Դասավանդիր Հայաստան» ծրագրին որոշեց դառնալ այս շարժաման մասնիկը։ Կոտայքի մարզի Գողթ գյուղից տեղափոխվեց Մուսալեռ և 2017–ի սեպտեմբերի 1–ին առաջին անգամ որպես պատմության ու հայրենագիտության ուսուցիչ մտավ դասասենյակ՝ իր աշակերտակենտրոն, ինտերակտիվ մեթոդներով սկսեց մանկավարժական գործունեությունը։