Өлзийбаярын ГАНЗОРИГ нь Хас Банк, Худалдаа Хөгжлийн Банк, Тэнгэр Даатгал, Улаанбаатар Хотын Банканд удирдах алба, Санхүүгийн зах зээлийн холбооны Ерөнхийлөгч, Монголын банкуудын холбооны Ерөнхийлөгч, Монголын даатгагчдын холбооны Дэд ерөнхийлөгч, Голомт банкны Гүйцэтгэх захирлын албыг хашиж ирсэн туршлагатай эдийн засагч юм. Тэрээр Мандал даатгалын үүсгэн байгуулагч бөгөөд ТУЗ-ын даргын албыг хашиж байна. Хамгийн сүүлд тэрээр Мандал Ирээдүйн Өсөлт хөрөнгө оруулалтын хамтын санг босгож 14-н хоногийн хугацаан 50-н тэрбум төгрөг бий болгож чадсан юм. Бидний подкастад Санхүүгийн философи, Менежментийн психологи номон дээр тулгуурлан өөр хаана ч илэрхийлж байгаагүй мэдлэг мэдээллийг хуваалцсан дугаарыг танд хүргэж байна.