En 15 días xógase un torneo importante de xadrez en Vigo. Alí vai estar o vigués Rubén Fernández, subcampión de España de xadrez sub-16. E tamén a lenda rusa Karpov e Rey Enigma, o misterioso xadrescista que xoga partidas rápidas na rúa.

Tamén traemos recomendación literaria: Novela de ajedrez, de Stefan Zweigno. Sacámola do booktrailer duns mociños do IES Elviña da Coruña que, animados pola súa profe de alemán de 4ESO, foron seleccionados para participar no I concurso de booktrailers sobre literatura austríaca en Madrid.

O soño de moitos é voar! Uns cantos amantes da aviación xuntáronse nos 90 e crearon Aerocelta. Conversamos con Julio, monitor de cursos de piloto privado de avión e de drons.