Pedro Rodríguez comezou xogando ao balonmán nos pavillóns vigueses, agora está en Hungría… onde ademais forma parte do combinado nacional do país magiar. Tamén falamos con Gersom Costas, do Instituto de Investigación Mariña de Vigo, que saen ao mar facer un estudio sobre as rinchas e os xurelos na Costa Cantábrica.

Aquí na parroquia celebramos que o Centro Veciñal foi recoñecido co título de Vigués Distinguido 2022. E tamén escoitamos as experiencias dos rapaciños de preescolar que baixaron dende o cole seguindo o regato ata o muíño da Senra no día da auga.