Con cebola ou sen cebola? Da tortilla e outras opcións para matar o gusaniño da fame imos fiando as 2 horiñas deste Esperta.

O Carballo é o local típico para os vigueses que lles gusta "comela con cuchara". Ollo, que parece que non hai recambio xeracional, contounos Antonio Alonso.

Para coñecer como vivían as xeracións de principios de s.XX e como llo contan ós cativos imos ata o Museo Liste. E damos unha voltiña coa responsable de didáctica, Isabel Pousada.

A voltiña si que se lle está a dar á programación cultural deste verán. Como o fan en Nigrán? Conversamos co seu alcalde, Juan González.