أول سؤال بيجي في بال أي حد، قبل حتى ما يسأل هو الكورس والامتحان بكام... أنا محتاج وقت أد إيه في المذاكرة عشان أدخل الامتحان؟ بس الحقيقة هو سؤال منطقي، ما هو جزء من التخطيط وإدارة المشروعات إنك تعرف المشروع هياخد منك وقت وموارد أد إيه، مش كده يا مدير؟ في البودكاست ده بوضّح العوامل إللي بتأثّر على مدة التحضير والمذاكرة، لإنك لما هتسأل الناس إللي أخدت شهادة الـ PMP هتلاقي حد بيقول لك خلّص تحضير في شهر ونص، وحد تاني في سنة ونص، الاتنين صادقين والاتنين مديرين شاطرين كمان، بس ظروف كل واحد مختلفة عن التاني، تعالى نشوف في البودكاست ده الحاجات إللي نحطها في اعتبارنا واحنا بنخطط لمدة المذاكرة.