Í þættinum spjallar Dagrún Ósk við Sverri Guðbrandsson sem ólst upp á Bassastöðum í Kaldrananeshreppi. Sverrir rifjar upp skemmtilegar minningar og segir frá æskunni í sveitinni, ferðum í heimavistarskólann á Klúku í Bjarnarfirði, smalamennskum í Hvannadal, Skarðsrétt, refaveiðum og fleiru. Auk þess segir hann frá áhuga sínum á dráttarvélum og tækjum. Það er magnað að hlusta á Sverri segja frá en þegar hann var að alast upp var til dæmis ekki rafmagn á bænum, það hefur því margt breyst á síðustu áratugum.