काठमाडौँ उपत्यकाका सार्वजनिक यातायातले मनपरी ढंगले भाडा असुल्ने गरेको यात्रुहरुले गुनासो गरेका छन् । गत कात्तिक १ गतेदेखि नयाँ भाडादर लागू भएपनि त्यसअनुसार सार्वजनिक सवारीसाधनले भाडा नलिँदा यात्रुहरु भने ठगिने गरेका छन् । भाडादरका विषयमा समस्या देखिनुको दोष यातायात व्यवसायीले सरकारलाई दिने गरेका छन् भने सरकारी निकायले तोकिएको भाडा लागू नभए कारवाही हुने चेतावनी दिँदै आएको छ ।