RADIO NOVA comezou hoxe a emitir un novo programa de participación xuvenil, baixo o título de MOCIDADE ACTIVA, e que se emite en colaboración cos profesores e alumnos do Instituto de Ponte Caldelas. Esta primeira entrega, cordinada pola profesora Chus Roxo, versou sobre a conveniencia ou non de mudar a data de celebración do desfile de entroido en Ponte Caldelas cara ao verán e neste intercambio de pareceres interviron seis alumnos e alumnas de segundo de bacharelato.