Հաջողության ճանապարհն ինքդ պետք է կերտես, պրպտելով ու նոր հնարավորություններ ստեղծելով,– համոզված է 18 ամյա Մոնիկա Բակունցը։ Սյունիքի մարզի Կապան քաղաքից է, սովորում է ԵՊՀ միջազգային հարաբերություններ ֆակուլտետի 2–րդ կուրսում։ Ասում է՝ իր ապագա մասնագիտության մասին մանկուց է երազել, քանի որ ցանկանում է դիվանագիտական հմտություններ գործի դնելով օգտակար լինել հայրենիքին։Մոնիկան այժմ ապրում է Երևանում, բայց շատ է կարոտում հարազատ Կապանը, հենց այդ կարոտն է պատճառը, որ հաճախ նմանություններ փորձում գտնել երկու քաղաքների շենքերի, փողոցների միջև։ Ասում է՝ երիտասարդական մայրաքաղաքում կան անկյուններ, որտեղ կարելի է ակտիվ ժամանց անցկանցնել, ինքնակրթվել, առաջիկա տարվա ընթացքում էլ կստեղծվի երիտասարդական կենտրոն։

Երիտասարդ աղջիկը խորհուրդ է տալիս չբավարարվել ունեցած գիտելիքներով, ինքնակրթվելու շանսերն ամենուր են, միայն թե պետք է ձեռքիցդ չգցես հաջողության հասնելու քո բանալին։