Björg og Gísli Marteinn vöknuðu með þjóðinni þennan síðasta laugardag júlímánaðar. Smá rigning í höfuðborginni en þeim mun þurrara Norðanlands. Góð músík, yfirferð yfir menn og málefni og stutt símtal í Evu Sigurðardóttur, einn af forprökkum Druslugöngunnar sem gengin er í 9. skipti í dag frá Hallgrímskirkju.

Tveir rithöfundar komu síðan í kaffi, þær Birna Anna Björnsdóttir sem búsett er í New York og Sólveig Jónsdóttir. Báðar hafa þær komið víða í heiminum og unnið við margvísleg ritstörf á síðustu árum. Þær ræddu ritstörf, mat, búskap og smá pólitík.

Undir lok þáttar kom Salka Sól Eyfjörð á línuna en hún og Arnar Freyr Frostason gifta sig í dag.