Morgunkaffi-teymið var með óvæntu sniði í dag, því Viktoría Hermannsdóttir fjölmiðlakona stóð vaktina í fjarveru Gísla Marteins. Björg var á sínum stað og tóku dömurnar á móti Manuelu Ósk Harðardóttur athafnakonu og fegurðardrottningu og Jóni Mýrdal eiganda skemmtistaðarins Röntgen á Hverfisgötu. Farið var um víðan völl í spjallinu, samfélagsmiðlar, siðferði, Pepsi Max og heilaæxli svo fátt eitt sé nefnt.