Inspirational tales and fables in Ilocano.

EXCERPT:

1. TESTAMENTO TI AGUILA -Idi un-unana, mano a tawenen ti napalabas, maysa a natan-ok nga agila ti nagbiag nga agmaymaysa iti tuktok ti maysa a nakangkangato a bantay. Iti maysa nga aldaw, nagparikna kenkuana nga ti oras ti ipupusayna ket umadanin. Iti maysa a kimmabluong nga uni a pinartuatna, inayabanna dagiti annakna a nagindeg iti nababbaba a paset ti bantay ket inummongna ida. Pinerrengna ti tumunggal maysa kadakuada ket kinunana:

“Tinaraonan ken pinadakkelkayo tapno sumangokayo no perrengenyo ti Apo init. Dagidi kakabsatyo a saan a nakaanus iti rupa ti init ket pinalubosak a pimmusay. Gapu iti daytoy, kaikarianyo ti tumayab iti nangatngato ngem dagiti amin a nagpayak. Siasinoman nga agtarigagay nga agbiag ket saan nga agtured a mangraut iti umokyo. Amin nga ayup ket agbuteng kadakayo ket diyonto dangranan dagiti agraem kadakayo. Palubusanyonto ida a mangan kadagiti nagtiddaanyo kadagiti inanupanyo.”

“Itan, asidegen a panawan kayo. Ngem saanak a pumusay ditoy umokko. Tumayabak iti nangato, idiay kangatuan a paset ti tangatang a mabalinan dagitoy payakko. Mapanak sumukno ken Apo init nga agpakada. Uramento dagiti narungsot a rayrayna dagiti nataenganen a dutdotko. Agtinnagakto ditoy daga ket agtungpalakto iti danum.”

“Ngem iti kinadatdatlagna, bumangonakto manen manipud danum, a maysa a napabaro ken sisasagana nga agbiag iti baro a panagbiag. Kasta ti gasat ti agila. Isut’ nakaikariantayo.”

Ket apagpalpasna nga insawang dagidi a balikas, sitatan-ok ken sipapasnek a timmayab a nanglikmut iti bantay a nagtakderan dagiti annakna. Apagdarikmat, naglikko a nagpangato a nagturong ken Apo Init nga isut nanguram kadagiti nabannog ken nataenganen a payakna.

Naggapu a sarita daytoy ken ni Leonardo Da Vinci ket nainayon iti naummong a sursuratna nga adda iti Leonardo’s Notebooks)

CONTINUE ON (LISTEN TO PODCAST FOR THE REST OF THIS NARRATIVE)