Hvør fær, og hvør fær ikki. Hvussu verður valt út. Og hvønn týdning hevur stuðulin.

Mentanargrunnur Landsins læt um dagarnar sín árliga stuðul til starvslønir, og forkvinnan Ingun í Skrivarastovu greiðir frá, hvussu stuðulin verður býttur. Vit hoyra eisini Arnbjørn Ólavson Dalsgarð, rithøvund, sum hesa ferð fekk starvsløn í eitt ár frá Mentanargrunninum.

Sætta Búnaðarstevnan síðan 2014 verður hildin í Klaksvík leygardagin. Yvirskipaða evnið hesa ferð er "Ferðavinna og landbúnaður". Fyriskiparin Símun Gullaksen kemur í útvarpsstovuna.