Í dag vitja vit tvær summarframsýningar: My own space í Steinprenti og Summarlist 2019 í Posthúskjallaranum í Klaksvík.

Í Steinprenti hitta vit Kinnu Poulsen, ið hevur sett framsýningina upp, og tað verður fyrst í sendingini.

Í byrjanina av seinra tímanum fara vit til Klaksvíkar, har vit hitta Jórun Høgnesen, sum hevur sett upp framsýningina Summarlist 2019 í Posthúskjallaranum.

Eisini hitta vit Edward Fuglø, fjøllistarmann, ið eigur eitt av høvuðsverkunum á Summarlist 2019, nevniliga 5 metrar stóru installatiónina Whale War.