نتفاهم Netfahem

ملخص للحلقة الرابعة، بستعرض فيه المكونات الأساسية للبريف اللي لازم توفرها للمسؤول عن التسويق الإلكتروني عشان تزود فرص نجاح البيزنس بتاعك.

"إديني بريف نضيف.. تاخد شغل نضيف"

إيه حكاية الجملة دي؟ إيه البريف وإيه علاقته بالشغل النضيف؟

مين أحسن شركة بتقدم خدمة التسويق الإلكتروني؟

ومين أحسن شخص مستقل بيقدم نفس الخدمة؟

سؤال وجودي بحاول أجاوب عليه خلال الحلقة.

لو قررت تلجأ للمتخصصين عشان يقوموا بمهمة التسويق الإلكتروني أو الديجيتال ماركتنج للبيزنس بتاعك، قدامك اختيارين .. أول اختيار هو الشركة أو الإيچنسي، والاختيار التاني هو شخص مستقل أو فريلانسر.

والسؤال هنا هو: تختار مين فيهم؟ وليه؟

التسويق الإلكتروني بقى أساسي تقريبًا لكل أشكال البيزنس، خصوصًا المشروعات الناشئة، لكن انت كصاحب بيزنس ممكن تتولى مسؤولية تنفيذه؟ ولا لازم متخصصين يقوموا بالمهمة دي؟ وليه؟

أهلًا بيكم في بودكاست نتفاهم. أنا معتز بالله مصطفى، مدير تسويق إلكتروني وكاتب محتوى، عندي خبرة ١٠ سنين في التسويق الإلكتروني والكتابة التسويقية. هدفي من البودكاست هو سد الفجوة بين صاحب البيزنس من ناحية، والمتخصصين في التسويق الإلكتروني أو الرقمي من ناحية تانية.