An barr is deireanaí nuachta.

Nuacht Náisiúnta & Idirnáisiúnta Máire de Bhailís Nuacht an Deiscirt Róisín Ní Chéilleachair Nuacht an Tuaiscirt Maighréad Uí Annluain Nuacht an Iarthair Maidhc Ó Féinneadha.

Is léir easaontas a bheith idir an t-Aire Tithíochta, James Browne agus Ard-Runaí na Roinne Tithíochta, Graham Doyle, faoi an ngá atá le “Ceannasaí Tithíochta.”

Léiríonn sonraí atá aimsithe ag Nuacht RTÉ gur thuirling anann is 2,000 eitleán míleata agus sibhialta a raibh airm chogaidh ar bord orthu, in aerfoirt na hÉireann idir na blianta 2022 agus 2024.

Tá an cás clúmhillte a thug Gerry Adams iar-Uachtarán Shinn Féin in aghaidh an BBC buaite aige agus costaisí €100,000 bronnta air ag an Ard Chúirt i mBaile Átha Cliath.

Sa Meán Oirthear, breathnaíonn sé go bhfuil Iosrael sásta glacadh le coinníollacha an phlean síochána atá curtha chun cinn ag Stáit Aontaithe Mheiriceá, ach go bhfuil Hamas ag rá nach sásaíonn sé a gcuid éilimh faoi dheireadh iomlán a chur le ionradh Iosrael.

Tá na sluaite ag déanamh a mbealach go Gaeltacht Rath Chairn, áit a gcuirfear tús le Comórtas Peile na Gaeltachta 2025. I mbliana tá sé á reáchtáil ag CLG Chlann na nGael.

An barr is deireanaí nuachta.

Nuacht Náisiúnta & Idirnáisiúnta Cáit de Bhailís Nuacht an Iarthair Aoife Ní Chonghaile Nuacht an Deiscirt Conn Ó Muíneacháín Nuacht an Tuaiscirt Caoimhe Ní Chonchoille.

Bhí díospóireacht teasaí idir urlabhraí airgeadais Shinn Féin, Pearce Doherty agus an Tánaiste, Simon Harris faoin easpa dul chun cinn atá á dhéanamh ag an rialtas chun na spriocanna tithíochta atá leagtha amach acu a bhaint amach.