Ev beşa sêyemîn a podcasta Nusxeya Kurdî - نوسخەی کوردی ye. Di vê beşê de, Tofan Sonbul bi Ibrahim Keivo ra li ser Komkujîya Ermenan, Fermana Êzidîyan, Çarşema Sor, bêrikirina wî ya welatî, çîroka malbatê û jiyana wî ya hunerê axivî. Nîsan hem meha komkujîya Ermenîyan e hem jî meha Çarşema Sor a Êzidîyan e. Hem Komkujîya Ermenan hem jî ola Êzdayetîyê tesîreke zêde li ser Keivo û hunera wî kirine. Hunermend Keivo stranên xwe bi pênc zimanan –Ermenkî, Kurdî, Sûryanî, Erebî û Aşûrî– distrîne û bi pênc enstrûmanan –bozuq, tembûr, ûd, cimbiş, kemençe– lê dide. Ji axa Mezopotamyayê derketîye û xwe wek hunermendê Mezopotamî qebûl dike. Keivo rengên axa Mezopotamyayê di cil û albûmên xwe de nişanî me dide.